المحتوى الرئيسى

2 - الفن اسكندرانى وعزت عوض الله !بقلم: وجيه ندى

03/26 16:22

2- الفن اسكندرانى وعزت عوض الله ! الفن اسكندرانى هو عنوان لاحد البرامج الشهيره فى الاذاعه السكندريه ومن خلال الدوره الاذاعيه الجديده لموسم 2011 تم اختيار برنامج للتأريخ عن نجوم الغناء والتاليف والتلحين والتمثيل والاخراج الاذاعى وتعريف الساده المستمعين بما قدمته الاذاعه فى الثغر حوالى 58 عاما م ن البث الاذاعى وكان التوجيه من السيده رجاء بسيونى مدير عام الاذاعه وكم شرفت ان تم التسجيل بصوتها على تتر البرنامج والذى يذاع مساء يوم الخميس من كل اسبوع ولمدة ساعه من الحادية عشره وحتى منتصف الليل مع الاذاعيه اللامعه محاسن متولى ولمسات مهندس الصوت محمد النبوى وكانت الحلقه الثانيه عن الفنان عزت عوض الله والتى اذيعت مساء الخميس 20 يناير 2011 والمطرب السكندري عزت عوض الله أتيحت له الفرصة للغناء والتلحين من خلال إذاعة الإسكندرية المحلية فنال الشهرة بأغنياته القريبة جدا الى الشعبية وعزت عوض الله اسمه الحقيقى هو مرقص عوض الله باسيلى مواليد منطقة غيط العنب بكرموز 4 مارس 1934، وعمل فى هيئة المواصلات المصريه وبسنترال الفتح وجليم بجوار الاذاعه السكندريه بقصر طوسون بباكوس وعمل فى الافراح والمناسبات السعيده ولاقى نجاحا كبيرا فى الوسط الغنائى وبالذات فى اذاعة الاسكندريه ومنذ افتتاحها عام 1954 وطالما البرنامج عنوانه الفن اسكندرانى ايه رايكم نخلوا مهندس الصوت البارع محمد النبوى يسمعنا ولو جزء للساده المتابعين انا اصلى اسكندرانى بصوت الفنان عزت عوض الله ومن كلمات ابن دمهور واللى عاش يحب اسكندريه واللى تزوج المطربه فريال عبد الحى واحنا من باكوس بنبعت لها التماسى وبنقولوا لها كل سنه وانتى طيبه يا ست فريال ومن الحان نقيب الموسيقيين باسكندريه خميس عبد الرازق وبرضه من أشهر أغانيه يا زايد في الحلاوة وهي من ألحانه أيضا وغناها من بعده المطرب فايد محمد فايد فلقيت قبولا لدى الجماهير المصرية خارج الإسكندرية كالذي حققته بين أهل الإسكندرية وهى من تاليف ابن دمنهور احمد ملوخيه والذى نظم له اغنيات شبيهه ومنهم الحلو هل بطلعته وان كان على خفتك يازايد ف الحلاوه عن اهل حيينا – ماتبطل الشقاوه وتعالى عندنا اشوف حسنك اسمى عليك من الحسد- لامره بتيجى يمى ولا مره بتقصد والاغى فيك وادادى – واقربها الليله دى ناديت لك والقساوه معاك متمكنه – ماتبطل الشقاوه وتعالى عندنا ==== ياجارنا فى المساكن وغايب عننا – بتزيد فى التقل لكن مسيرنا لبعضنا يا قاسى وانت جارنا – تعالى يوم وزورنا ياغالى والغلاوه عشان جار الهنا – ماتبطل الشقاوه وتعالى عندنا ==== بتمشى فى العصارى وبتسحر من راى – واقول من كتر نارى ما تعطف يوم بقى امانه تكون حنين وخلى الصعب هين تعالى دى الطراوه فى العصر حنينه ماتبطل الشقاوه وتعالى عندنا يازايد فى الحلاوه عن اهل حيينا و(احترنا عليك) من كلمات عبد السلام امين والحان اخوه حلمى امين واللى اتربوا هنا فى اسكندريه منذ افتتاح الاذاعه لحد ماشقوا طريقهم الى اذاعات القاهره وايضا التليفزيون ومن أغنياته والتى كانت زياده فى شهرته أيضا (نوارة حارتنا) من نظم احمد زياده والحان منير المليجى نوارة حارنتا يا مزود حيرتنا – ياريت يبقى بيتكو بابه جنب بيتنا === يا ساكن قبالنا ياللى شغلت بالنا – لا جيت يوم تزورنا ولا تيجى تقابلنا حلفتك ياجارى خللى الود جارى ولا عمرك تفوتنا يا ساكن حارتنا ==== طبع الحسن عندك بينسينى عندك – يا حاكم بامرك مين يقدر يعاندك حلفتك ياجارى خللى الود جارى – ولا عمرك تهجرنا يا ساكن حارتنا ==== جمالك ربى خالقو نور يهديه لخالقو – لو لفوا المدينه زيك مش ح يلقو حلفتك يا جارى خللى الود جارى – ولا عمرك تفوتنا يا ساكن حارتنا ==== طبع الحسن عندك بينسينى عندك – يا حاكم بامرك مين يقدر يعاندك حلفتك ياجارى خللى الود جارى – ولا عمرك تهجرنا يا ساكن حارتنا ==== وكمان الفنان عزت عوض الله غنى للكوره ايام النادى الاولمبى لما خد الدورى سنة 1966غنى (يااولمباويه ) من نظم الشاعر الكبير عبد المنعم كاسب صلوا ع النبى صلوا ع النبى اقروا الفاتحه لابو العباس يا اولمباويه يا اجدع ناس صلوا ع النبى صلوا ع النبى الله يا ولاد ع الحريفه والـــروح العاليه الرياضيه زى الصواريخ جوه الملعب سيطره ع الكوره وجديه ادى الكفاح والرجوليه والفن فى بابور الميه والجماهير عند المنشيه عاملين زفه اسكندرانيه خدنا الدورى وبكره الكاس يااولمباويه يا اجدع ناس -------- رفعتو راسنا يا بلديات بعد احتقار الدورى سنين ح نروح وراكو فى كل مكان عشان نشوفكو كده فايزيين نهتف لكم ونحييكم الله يبارك لنا فيكم والجماهير عند المنشيه عاملين زفه اسكندرانيه خدنا الدورى وبكره الكاس يااولمباويه يا اجدع ناس وبالاضافه الى الغناء الاصيل قام بالتلحين ايضا ومن جواهره النغميه ونظم المؤلف احمد دهب مجموعة اغنيات ومنهم ما حدش شافك ليه وبابكم قصاد بابى و(باحبك والسلام) والتى نظمها الشاعر الجمركى كامل حسنى و (قمر الحته ) من كلمات كامل الاسناوى (رتيبة)من كلمات السيد قشقوش وايضا غنى من نظم المبدع السكندرى المؤلف فوزى الشربينى بنت السلطان ويا عم غنى وغنى عزت عوض الله مجموعه من الالحان والاغنيات لاقت نجاح كبير لانهم كانوا موجهين لحلوين اسكندريه ومنهم الحلو ساكن بوالينو من كلمات السيد اسماعيل ومن غير زواق لمحمد ابراهيم الفلال والعملين من الحان العملاق محمد الحماقى ومعداوى من نظم سيف النصر محمد لسه بدرى من كلمات السيد رمضان والباب مفتوح لعبد الله الحلبى ورق حبه لابراهيم بدر الدين وفكرنا كتير لحسن خطاب ودق الطبول لفريد منيسى وحبه حبه لرشدى عبد الرحمن وكتب له المؤلف على التركى مجموعه من المواويل منهم الاوله على طول والاوله مغنى والاوله سلامات ماحدش شافك لية من نظم احمد دهب كبرنا ع الحاجات دى من نظم عبد الرحمن الابنودى والحان فتحى حجازى يقولو اللى يقولوة من نظم الشاعر الكبير محمد مكيوى والحان الموسيقار منير المليجى الفكر بيشغلوه والقلب حيروه ويقولوا عليه ظالم مايقولوا اللى يقولوه -------- ان كان على المحبه حبينا واشترينا وان هجروا الاحبه مش احنا اللى ابتدينا ع الهجر عودونى ولا مره بينصفونى ويقولوا عليه ظالم مايقولوا اللى يقولوه - ------- طاوعنا كتير ويا ما وروحنا لهم وجينا ما نابنا غير ملامه وصبرنا ما شتكينا ع الهجر عودونى ولا مره بينصفونى ويقولوا عليه ظالم ما يقولوا اللى يقولوه - ------ سامحنا والسماح فى روحنا ودمنا وقولنا للملاح الود طبعنا ع الهجر عودونى ولا مره بينصفونى ويقولوا عليه ظالم ما يقولوا اللى يقولوه من بحرى من نظم عبد الله سعيد والحان عبد الروؤف عيسى هنا اسكندرية ابو وردة لاحمد زياده اللى بيهجر مالنا ومالة والحلو مش عاجنى وقمر الحته من نظم كامل الاسناوى يا مين يروح يقولها نسيب الماضى للمؤلف فاروق سليمان وكتب له المؤلف محمود الكمشوشى اغنية ما شاءالله من الحان اسماعيل صديق عام 1956 وكتب له المؤلف احمد طه الاغنيه الوطنيه نهار السعد عام 1962 من الحان محمد غنيم وايضا الصبر فين من الحان سيد زكى 1وكتب له الشاعر جمال عبده صالح فى العيد العاشر لثورة يوليو عام 1962 فرحة النصر ومن كلمات التركى محمد ابراهيم غنى ام البساتين من الحان احمد سالم وقبل انتقال الملحن حلمى امين للقاهره قدم الحان كثيره لمطربنا عزت عوض الله ومن تلك الالحان احترنا عليك والحبايب للحبايب ومن كلمات الضابط البحرى محمد حامد على باعت لى جواب ايضا نظم له المؤلف حمدى محمد مصطفى اغنيه ما تحوش يا قمر وكتب له الشاعر عبد المنعم خوجه انا مش غريب وكتب له المؤلف الكبير محمد زكى الملاح الواد القاسى واعمل بقرش مع ثلاثى الشاطئ ومن الحان عصام رشاد وقدم له المؤلف السكندرى الاصيل مصطفى عبده اغنيات لا كده عاجبين ويا سكندريه يا بلد الشوق من الحان محمد عيسى واسالوه نظمها عام 1966 ولحنها محمد الحماقى ومن الاحياء المشهوره غنى الفنان عزت عوض الله من كلمات السيد اسماعيل والحان محمد الحماقى الحلو ساكن بوالينو فى محرم بيه كتير وياما محبينو بيشاورو عليه لكن ما بنحبش غيره اسم الله عليه ساكن بوالينو عهد الهوى جمع بينا وبقينا اصحاب وكل واحد قال عنا اسعد احباب بدر السما هو بعينو والليل بعنيه الحلو ساكن بوالينو ف محرم بيه -------- ف الطالعه والداخله يعدى يبعت لى سلام وعند بيتنا بيهدى ويقوللى كلام وكلامه طبعا عارفينو الرقه دى ايه الحلو ساكن بوالينو فى محرم بيه ------- يوم الهنا يوم ما يجينى وافرح وياه ويبقى ماشى على يمينى والشمع وراه والطرحه بيضه على جبينو بتمسى عليه الحلو ساكن بوالينو فى محرم بيه وقدم له اهل الموسيقى فى الاسكندريه العشرات من الالحان ومنهم جلال حرب احمد سالم محمد ابو العلا سيد زكى محمد غنيم اسماعيل صديق عبد الروؤف عيسى وابراهيم عثمان وقدم للاذاعه العديد من الصور والبرامج الغنائيه ومنهم سوق راتب و حسن خولى الجنينه وحلاوة زمان وجمالات وصيف اسكندريه وقاسم وسمرا والنيل ولقاء الاحبه وتغنى بالحانه مطربى الاذاعه من الاجيال اللاحقه ومنهم المطرب الشعبى صبحى عطاالله واللى غنى غالبية اغنيات عزت عوض الله من خلال فرقة الاستاذ الموسيقار الراعى محمد المصرى وبرنامج مسرح المواهب تحت رعاية جمال توكل وغنى اغنياته كمان عادل جلال والسيد عبد اللاه ومن الحانه وصوته لحن اللى بيهجر من نظم كامل الاسناوى اللى بيهجر مالنا ومالو احنا فى حالنا وهو فى حالو ليه تحتار فى الحب يا قلبى يعنى خلاص مالقيتش مثالو ==== اللى وداده علينا بيكتر ود عليه بزياده واكتر واللى يلاوعك قبل ما فكر اوعى تفكر يوم فى وصالو ليه تحتار فى الحب يا قلبى يا عنى خلاص مالقيتشى مثالو ==== اللى يحبك يوم واتنين حبو بدال اليوم شهرين واللى يجافى كفايه العين تعرف طبعو وتنسى خيالو ليه تحتار ف الحب يا قلبى يعنى خلاص مالقيتش مثالو ==== اللى يشاغلك وانت حبيبو خللى نصيبك زى نصيبو واللى تحبو وفاتك سيبو بكره تلاقى كتير ف جمالو ليه تحتار ف الحب يا قلبى يعنى خلاص مالقيتشى مثالو ==== اصل الحب وداد ومحبه مش حرمان وجراح واطبه وانت يا قلبى حبه بحبه بكره ح تعرف ايه احوالو ليه تحتار فى الحب يا قلبى يعنى خلاص مالقيتشى مثالو ==== وبجوار غنائه للاسكندريه واحيائها غنى ايضا للنادى الاولمبى عندما حصل على بطولة الدورى عام 1966 من نظم المؤلف الكبير عبد المنعم كاسب ومن الحان محمد غنيم صلوا ع النبى صلوا ع النبى اقرو الفاتحه لابو العباس يا اولمباويه يا اجدع ناس ------- الله يا ولاد ع الحريفه والروح العاليه الرياضيه زى الصواريخ جوه الملعب سيطره ع الكوره وجديه ادى الكفاح والرجوله والفن فى بابور الميه والجماهير عند المنشيه عاملين زفه اسكندرانيه خدنا الدورى وبكره الكاس يا المباويه يا اجدع ناس -------- علشان بقينا اجدع نادى فى الجمهوريه المتحده فى طريقنا نثبت بجداره والكل دايما ايد واحده خلقو فى روحنا التضحيه وبقينا ايد واحده قويه والجماهير عند المنشيه عاملين زفه اسكندرانيه ------------- رفعت راسنا يا بلديات بعد احتقار الدورى سنين ح نروح وراكو فى كل مكان عشان نشوفكو كده فايزين نهتف لكو ونحييكو الله يبارك لنا فيكو والجماهير عند المنشيه عاملين زفه اسكندرانيه خدتو الدورى وبكره الكاس يا اولمباويه يا اجدع ناس وايضا من اغنياته الشهيره والحانه وكلمات ابراهيم بدر الدين (رق حبه ) ياللى ساكن بعد بيتنا بخطوتين حد شاغلك ولا تقلان حبتين رق حبه بص لى تكفى نظره بطرف عين ==== كل يوم عارف ميعادك كل خطوه اكون قصادك ولما مره تغيب عليه ببقى مش طايق بعادك رق حبه بص لى تكفى نظره بطرف عين ==== ياللى واخد منى قلبى وانت مش دارى بحبى لو تحس بشوق غرامى راح تعيش العمر جنبى رق حبه بص لى تكفى نظره بطرف عين ==== نفسى اجى فى يوم لاهلك واطلبك منهم واقابلك بس قوللى قبله رايك راح توافق ولا احايلك لو وافقت وقلت ايوه ح اجى دوغرى بدبلتين رق حبه بص لى تكفى نظره بطرف عين ==== وظل طوال فتره كبيره من حياته يسكن خلف مدرسة الثبات من شارع ايزيس بالباب الجديد والى ان انتقل الى نهاية شارع بور سعيد من جهة سيدى جابر الشيخ وبعد ذلك انتقل الى مسكنه الاخير فى شارع اودونيس بحى الابراهيميه وانجب فى حياته امير وحنان الاول مارس الغناء فى برنامج مسرح المواهب ثم هاجر الى استراليا - وتوفى عزت عوض الله الى رحمة الله وغادر عالمنا تاركا كنوز غنائيه ولحنيه تشنف اذاننا وتوفاه الله فى 17اغسطس 1975 والى علم اخر والحلقه رقم 3 من الفن اسكندرانى وللتواصل 0106802177 المؤرخ والباحث فى التراث الفنى وجيــه نــدى wnada1950@yahoo.com

أهم أخبار مصر

Comments

عاجل