المحتوى الرئيسى

فول وفلافل وخبز معفن بقلم:محمد النجار

03/23 21:50

فول وفلافل وخبز معفن بقلم :_ محمد النجار فول وفلافل وخبز معفن حمص وسلطة وبصلة مشوية ضاعت القضية ... مستغربين ليش بحكي هيك ... تعالوا نقلكم القصة وأيه القضية .... الفول اخو الفلافل والتنين من طينة وحدة ... والجهتين أخوه في محل واحد ... هم صحيح بيختلفو بوجهات النظر ....بس وين ما تروح راح تلقيهم مجتمعين بمحل واحد والخبز بس مو لمعفن شريكهم يعنى لما بيجتمع الفول والفلافل على سفرة لازم يكون معهم ما بيفترقوا أبدا .. والحمص أخوهم الثالث بس قاعد وساكت وبيتفرج من بعيد لبعيد لأنو بيختلف عنهم بوجهة النظر لكن كمان دايما معهم بالمحل وعلى السفرة ... والسلطة هاى قصتها قصة هي مكوناتهم يعنى العناصر يلي بتشكل الإخوة الثلاثة والبصلة المشوية عدوهم يلي بيحارب فيهم وبيسرق بمحلهم شوي شوي .... طولنا عليكم بالتعريف بس القصة كبيره وبدايتها لما اتزاعل الفول والفلافل وخلو الخبز يعفن. كانوا صحاب وإخوة بس لما بدء الغش يدخل بمكوناتهم وفقدوا بعض العناصر الأساسية ويلي هي أساس التكوين... اتزاعلو والحمص كان يتفرج وما عمل شي يوم المشكلة والسلطة هي يلى قامت بكل المهمة ... وكبرت المشكلة وتقاتلوا مكوناتها مع بعض .... وصار كل مكون بيحمل لون لحال وافترقوا عن بعض وخربت السلطة لأنو كل واحد بيحكى عن لونوا أفضل ..... والخبز لمعفن زاد عفن . وبالمشكلة هاى بدء المحل يلي بجمعهم يخسر كل يوم عن يوم وأتقسم المحل وصار كل واحد فيهم بتملك جزء والحمص ضاع بين لتنين مش عارف مع مين يقف وفى الأخر الحمص انقسم كمان وصار نص هان ونص هان ...والسلطة هي يلي اجت على رأسها كل هموم المشكلة... والخبز لمعفن نساهم أشياء كثير زى الأسرى يلي من السلطة وكان في عندهم شيء مقدس بيهمهم وبيهم قرايبهم كمان والبصلة المشوية بتسرق فيه جزء وري جزء .... بس الخبز لمعفن ماخد عقلهم ... صارت المشكلة حديث المحلات التانية والجيران والقرايب واتفقوا أنهم يصالحوهم وجابوهم وقعدوهم في اكتر من محل وعلي الفاضي يا قلب لا تحزن الخبز لمعفن موجود والمشاكل لسه مثل ما هي... صبر السلطة قرب يخلص والفول والفلافل كل واحد بيدور على مصلحتوا وناسي هموم السلطة . وبعد ما صار بالمحلات التانية من تغير لصحابها فاقت السلطة وقالت بدنا ننهي على الخبز لمعفن ونزلت السلطة في المحلين يلي هو بالأصل محل واحد وطالبت بإنهاء الخبز لمعفن ... محل الفلافل بدء يستجيب ويرق قلبه على السلطة وزهق من الخبز لمعفن ولكن الفول وافق كمان بس يبدوا انو مش موافق كيف هاى والله الفول ادري بحاله ادري بحاله بيقلك موافق وبيرفض تحرك السلطة وبيتهم أحباب الفلافل أنهم بدهم يخربوا محله .... اه إحنا بنحكي بالمشكلة وبالخبز لمعفن وانسينا البصلة المشوية قاعدة بتتفرج ومبسوطة على بيصير وبتضرب بالفول والفلافل وبتسرق بمحلهم والإخوة ولا على بالهم كل واحد بيتهم التاني ... وعدها البصلة ضيعت كل شي والقضية وهم بيتقاتلوا ... والسؤال هان لمتى بدو يبقي الإخوة متخاصمين والخبز لمعفن موجود ومتي السلطة بدها تفوق بشكل صحيح ... بتحكوا فاقت أنا بقلكم لسه في غيبوبة وفوقتها هاى بدها كمان شوي .... ولمتى الحمص بدو يبقي غلبان وساكت مثل ما هو واقف بتفرج .... ولمتى راح تبقي البصلة مبسوطة على الوضع وتسرق وتنهب وتقتل في السلطة ...والفول والفلافل متزاعلين . يمكن يتذكروا في يوم انو الفول والفلافل إخوة والخبز لمعف طول وجوده ... وبلكي الحمص تحرك ورجع أمجاد إخوانه ...والسلطة تصحي منيح بلكي بترجع صحن واحد ويرجع للسلطة بهجتها بكل ألوانها .... احترامي للفول والفلافل ولكل الفوالين

أهم أخبار مصر

Comments

عاجل