المحتوى الرئيسى

مصر البشرأم الشحات في عيد الأم

03/22 23:20

أم الشحات هي شخصية من الواقع أحركها مع الاحداث،‮ ‬أم الشحات جاءت من قريتها مع زوجها الذي كان يعمل بوابا في احدي عمارات السيدة زينب‮.‬كانت كلما ما وضعت طفلا مات وعاش الشحات رقم ‮٥ ‬فاطلقت عليه هذا الاسم ليكون شحاتة من عند الله،‮ ‬مات زوجها فتركت العمارة للبواب الجديد واستأجرت‮ ‬غرفة في حارة الديك لتجاور ام هاشم بعد ان قررت ألا تعود إلي القرية‮.. ‬دلوها علي أبوقورة ليعطيها سلفة تبدأ بها حياتها وأبوقورة هو ذلك النموذج المنتشر في ربوع مصر والذي يتعيش من الحرام عيانا بيانا ويطلق عليه تساهيل ربنا‮. ‬فهو يقوم بكل شيء فهو سمسار عقارات مضروبة وعمال بناء هاربين من احكام بسيطة وتصاريح مضروبة لتعلية ادوار مخالفة والاهم من ذلك هو منشار طالع واكل نازل واكل‮.‬في انتخابات الحزب الوطني‮.. ‬اوراق الناخبين وختم النسر في درج مكتبه‮.. ‬يخرج اوراق الناخبين في دقيقة الناخب بخمسين جنيه وحينما يقترب الفرز ليصل إلي مائة جنيه والبيه الكبير مدير أعمال الباشا المرشح يعطيه في الراس مائة وخمسين وتصل اليه من الباشا المرشح مائتين‮.‬ام الشحات عرفت طريقها إليه عن طريق ام عماشة الداية التي لم تعتزل رغم المستوصف فهي جاهزة للبنات الغلابة اللي يضحك عليهم اصحاب الكروش الذين لا طالوا فوق ولا نزلوا تحت‮.. ‬ام الشحات قررت تعلم ابنها حتي‮ »‬دبلون التجارة‮« ‬اشتغلت دلالة في حجرتها والفترينة الشباك‮  ‬الذي يطل علي الحارة‮.. ‬ابوقورة اعتمد عليها ايضا في لم الناخبين وهي اعتمدت عليه في البضاعة الممسوكة في الشوارع الجانبية‮.. ‬ام الشحات تبيع كل شيء من اول تطريحات المحجبات والمناطيل الچنس‮.. ‬حتي حبوب الفياجرا الواردة بالبري عن طريق ليبيا‮ »‬معظمها مضروب‮« ‬وتعطيها للرجال بالتقسيط مع كلمة‮ »‬اوعي يا ولية ام طارق تعرف اني باخد الحاجات دي‮« ‬كانت تأخذ سلفة من ابوقورة وتقسطها بالشهر حسب التساهيل‮.‬كبر الشحات واشترت له‮ »‬تك تك‮« ‬وهو دمه خفيف وحبيب ويمشي في حارة الديك ويطلع علي زينهم وبعدين لو بت حلوة راحة شارع خيرت يحود واخرة التك تك المنيرة‮.. ‬الشحات بشتري حاجات حلوة كتير له وللبنات‮.. ‬القسط انكسر عليها وابوقورة مسك ايده معاها‮.. ‬ام الشحات قبل عيد الام بشهرين تعمل حسابها علي هدايا الامهات من تطريحة‮ »‬شاورلي وبص لي‮« ‬وشباشب كعب الغزال وطقم عباية بالترتر من آخر السنة من ديسمبر تحوش حاجات علشان عيد الام‮.‬وجه يناير والكل راح ع التحرير والشحات راح التحرير‮.. ‬جريت علي ابوقورة‮ » ‬الواد يا اخويا راح التحرير والناس نمل في التليفزيون والحكومة طلعت عليهم الامن المركزي‮« .. ‬يرد ابوقورة في تراخ‮.‬‮- »‬يا ولية يا مجنونة دول حبة عيال حيلموهم في ساعتين ويا دار ما دخلك شر‮.. ‬الباشوات بتوع الداخلية راشين عساكر هناك‮.. ‬وتاخد طرحتها وتلبس شبشبها وجري ع التحرير يا واد يا شحات‮.. ‬يا واد يا شحات‮.. ‬ورصاص يضرب وعيال تقع‮.‬‮- ‬يا عين امك يا اخويا‮.. ‬يا واد انت فين وتبكي وتعود للبيت‮.. ‬ويجيء الشحات وش الفجر‮ »‬يا امة اتنين وقعوا‮ ‬غرقانين في دمهم يا امة‮«. ‬‮- ‬متعورين؟‮- ‬ماتوا يا امة وانا جاي‮.. ‬آخد حد معانا علشان نروح نوديهم لاهاليهم‮.. ‬‮- ‬طلعت عبايتها السودة والطرحة وذهبت مع ابنها‮.. ‬وقبل ان يدخل الشباب بالشاب القتيل رقعت ام الشحات بالصوت‮.. ‬ايه يا ولية‮.. ‬ده شهيد ما تصوتيش‮..‬‮- ‬امال امة تعرف ازاي‮.. ‬ياعين امك يا اخويا‮.‬‮- ‬يا امة عيب ده شهيد‮!‬‮- ‬ابوه ميت يا امة‮.. ‬عاوزين فلوس للحانوتي وللتربي‮- ‬عيني يا أخويا‮..‬واخذت هدايا عيد الام التي جمعتها لبيعها في العيد وذهبت لأبوقورة‮- ‬خد دول يا اخويا واديني ميت جنيه‮.. ‬والولد قتيل من التحرير وابوه ميت عاوزين نستره الهي يسترك‮.‬‮- ‬امشي يا ولية‮.. ‬انت لاقية تاكلي؟ العيال دي حيخربوا الدنيا وحيخلوها تنشف عندنا ايه اللي هدوا الحكومة‮.. ‬هدوا الحكومة‮.‬‮- ‬والنبي تديني حتي خمسين جنيهوينظر ابوقورة في الاكياس ويمد يده في جيبه ويعطيها ثلاثين جنيه‮.. ‬تاخدهم وتجري‮.. ‬ويقول الشحات‮: ‬المغسل رفض ياخد فلوس والتربي رفض ياخد فلوس‮.. ‬وعند الفجر صلوا عليه‮.‬ذهبت ام الشحات مع ابنها إلي ميدان التحرير‮- ‬شوفي يا امة احنا هنا في التحرير كلنا اخوات اللي هناك ده دكتور واللي جنبه مهندس واللي جنبه بتشتغل في بنك‮.. ‬كلنا يا امة عاوزين نصلح البلد الراجل ابوقورة مص دمنا يا امة‮.. ‬وكل عمارة يعليها تقع‮!!‬وتفكر ام الشحات في بضاعة عيد الام‮.. ‬وتفكر في البضاعة التي اعطتها لابوقورة ثمنها لا يقل عن مائتي جنيه واعطاها ثلاثين جنيه‮.. ‬وتضع يدها علي اذنها تتحسس الحلق الذي تحتفظ به لوقت عوزة‮.. ‬وتمضي الايام وتذهب مع ابنها كل ليلة للميدان وبالنهار تذهب لتواسي امهات الشهداء‮. ‬وعملت لقمة القاضي‮ ‬وسد الحنك وباعت لعيال التحرير‮.. ‬ويجيء عيد الام وتذهب لأبوقورة تطلب‮  ‬البضاعة التي اخذها منها بالبخس‮.. ‬يا البضاعة يا الفلوس ويرفض ويطردها وتنكفيء علي وجهها وتصاب في جبهتها وتجري علي الشحات ويأتي معها ابنها واصحابه‮.. ‬يطلبون منه هدايا عيد الام بالمعروف فيرفض ويهددوه الشباب ويناقشونه في اسلوبه الحرام‮.. ‬ويرضخ ابوقورة‮.. ‬وتأخذ باقي الهدايا وتجري مع الشباب إلي امهات الشهداء لتوزع عليهم هدايا عيد الام‮.. ‬ويمسك ابنها بيدها ويقبلها وهو يمسح دموعه ويقول لها‮: ‬كل سنة وانت طيبة يا امة ربنا يسعدك زي ما سعدت الامهات في عيد الام‮..‬والله يا امة انت هدية عيد الام

أهم أخبار مصر

Comments

عاجل