المحتوى الرئيسى
alaan TV

صبري فواز يكتب :قول '' لأ '' من أجل الإستقرار

03/17 18:15

صبري فواز يكتب :قول '' لأ '' من أجل الإستقرار 2 سيبك بقى من التفسيرات و المناقشات الفاكسة دى كلها  و تعالى نحسبها بالعقل و الإصول .. هو مش بتوع "نعم" دول مصدعينا بنغمة الإستقرار .. و مصالح الناس و الإقتصاد اللى متعطل و الكلام ده ؟طيب .. الموافقة على التعديلات الدستورية دى معناها نعمل انتخابات برلمانية و بعدين نعمل انتخابات رئاسية يعنى معاك لآخر السنة.. و بعدين البرلمان و الرئيس يدعوا الشعب لتعديل الدستور _ و يمكن ما يدعوش _ ف نعمل انتخابات للجنة الدستور و بعدين نعمل استفتاء على الدستور وبعدين انتخابات برلمانية و بعدين رئاسية يعنى معاك على الأقل بتاع سنتين انتخابات و بلاش نشوف أكل عيشنا بقى.طب مانقول "لأ" و نعمل دستور جديد و انتخابات برلمانية و رئاسية مرة واحدة و نخلص و ننتبه بقى لمصالحنا و اشغالنا و نمشى لقدام و لفوق و خلى بالك ان كل ده لو دعى الرئيس لعمل دستور و ممكن جداً ما يدعوش و نرجع نعيش فى الضلمة تانى قول "لأ" خلينا نخلص بقى و نبص لمستقبلنا  

أهم أخبار مصر

Comments

عاجل