المحتوى الرئيسى

غنيم يطالب الشباب بتعليق علم مصر بين المسجد والكنيسة

03/09 13:38

كتبت - بسنت صلاح :طالب الناشط السياسي وائل غنيم، الشباب على صفحته بموقع التواصل الاجتماعين ''فيس بوك''، بفكرة جديدة لوأد أية فتنة دينية .وعبر غنيم عن فكرته قائلاً: " فاكرين كان احساسنا أيه لما الشباب فى اسكندريه ربطوا بين كنيسه القديسين والمسجد المقابل ليها بعلم مصر؟.. أيه رأيكم علشان نفشل مخطط بقايا أمن الدوله بالوقيعه بين المسلمين والمسيحيين ونواجه التعصب والتطرف نعمم المبادره دى فى مصر كلها، مسلم و مسيحى ..كلنا مصريين".المبادرة والتى طالب بها "غنيم" حازت على إعجاب مايقرب من 650 شخص فى 4 دقائق فقط، اما التعليقات فجائت غالبيتها بالموافقة ."رضوى سيد سعيد" جاء رأيها موافقاً فقالت: "احنا اخوات ومينفعش نقبل ان اي حد يوقع بينا احنا طول عمرنا عايشين مع بعض ومفيش فرق بينا، دا احنا حمينا بعض في التحرير، لكن الواضح دلوقتي ان في ناس من مصلحتها توقع بينا احنا لازم نفوق ونعرف ان ده كله من ذيول الحزب الوطني" ."صوفى" علقت مستشهدة ببطولات ضباط الجيش مسلمين ومسيحين "أحمد شومان" الضابط الذى ترك عن سلاحه وانضم لجموع الثوار، وماجد بولس أسد التحرير كما لقبه الشباب لما قام به من حماية للمتظاهرين) فقالت "مسلم + مسيحى = مصرى، احمد شومان + ماجد بولس = مصرى، زى ما الثورة نجحت من هنا من الفيس بوك لازم الفتنة تنتهى من هنا برده، لازم كلنا نخمد نيران الفتنة، اللى بيحاولوا يشعلوها اعداء الثورة، الكل عارف ان لا مسلم ولا مسيحى راضى باللى بيحصل كلنا مصريين.. كلنا ايد واحدة، كلنا مصر".بينما علقت "رينا" قائلة: "بس للاسف مش كل الكنايس قدامها مسجد عشان نعمل الحركه دى، بس ممكن نعلق علم مصر على كل الكنايس والمساجد ونفكر الناس بأننا كلنا مصريين ومننساش دى.. كلنا مصريين يعنى نرجع فكرة الوحده الوطنيه".اقرأ أيضا :

أهم أخبار مصر

Comments

عاجل