المحتوى الرئيسى

شاب يروى تفاصيل جديدة حول حقيقة الاعتداء على حسام حسن

03/07 23:15

  كتب الفت السيد في 2011-03-07 الساعة 11:10:21 14 14 روى مجدى نجيب احد الشباب العاميلن فى مجال التسويق وصاحب واقعة التعدى على حسام حسن المدير الفنى للزمالك تفاصيل جديدة حول الحادث مخالفة لما اكده حسام .وقال مجدى فى برنامج "مصر انهارده" " كنا راكبين الموتوسيكل انا واخواتى وفى الطريق عند كوبرى الجلاء رايحين شغلنا فجأة خبطتنا سيارة ومنعرفش هو مين فبنقوله براحة ما تحاسب فراح فتح زجاج السيارة وقالنا ايه يعنى كلب وراح وعرفنا انه حسام حسن وطلع جرى بالعربية " .وتابع "جرينا ورا كابتن حسام لأن كلمته استفزتنا فحاول يجرى المهم حاصرناه ووقفنا قصاده فخبطناه وقولناله احنا بنى ادمين مش كلاب فراح خبطنا وجرى تانى وبعد كده دخل عكسى تحت الكوبرى " .واكمل "دخلنا فى مشادة فكابتن حسام ضرب اخويا فى وشه فأستفزنا رحنا كسرنا زجاج العربية اللى عرفنا انها خاصة بطارق سليمان المدرب العام للزمالك والتى كان يركبها حسام ودخلنا فى مشادات وقمنا بضربه " .واوضح نجيب ان مقدم الشرطة العسكرية قد حضر وقام بتفتيشنا وبدأنا فتح محضر مشيرا ان حسام حسن اتهمه هو واخوته بأنهم اطلقوا عليه النار رغم ان ذلك لم يحدث حسبما اكد نجيب .واشار نجيب " مقدم الشرطة قالنا بوسوا على رأس كابتن حسام واعتذروله لكننا رفضنا لأنه هو من بدأ بشتيتمتنا " .واختتم الشاب صاحب الواقعة تصريحاته قائلا "لقد انتهى المحضر فى النهاية بالصلح وكابتن حسام اخذ ارقامنا وقال لنا نتقابل فى احدى الكافيهات من اجل انهاء الموقف تماما ثم ضحكنا وانتهى الامر " .  

أهم أخبار مصر

Comments

عاجل