المحتوى الرئيسى

 خالد الصاوي: مادام تم إسناد الوزارة لعصام شرف الحاصل على التأييد نديله فرصة

03/04 23:53

نادى الممثل خالد الصاوي بضرور إمهال الحكومة الجديدة التي يرؤسها الدكتور عصام فرج وقتا لتنفيذ مطالب الثورة. كتب الصاوي على صفحته الرسمية بالموقع الاجتماعي الشهير FaceBook: "رأيي الشخصي: ما دام تم إسناد الوزارة للدكتور عصام شرف الحاصل على تأييد كبير، واللي عارف المطالب الملحة وترتيبنا لأولوياتها ومتحمس لها، نديله فرصة ونطالبه بجدول زمني محدد". وأضاف: وفي نفس الوقت نؤكد عليه إننا موجودين لدعمه في مواجهة أفاعي وعقارب النظام اللي لابدين في الشقوق.. ويا حقوقنا تجيلنا، يا نبقى نروح نجيبها. ولا إيه؟ ومنذ عدة ساعات، كتب الصاوي: "فيه ناس حابة مصر تبقى زي تركيا، وناس حاباها تبقى زي السعودية، وناس حاباها زي إيران، وناس زي فرنسا، وناس زي أمريكا، وناس زي السويد، وناس زي الصين". وأضاف: أنا عن نفسي حابب مصر تبقى في حتة جديدة لوحدها.. فيها أحلى ما في كل بلد من دول، ومفيهاش جنس حاجة وحشة من اللي فيهم كلهم. المهم بس نتفق عالحلو والوحش فيهم... وفينا. وللصاوي مواقف سياسية معارضة للنظام البائد واضحة من قبل ثورة 25 يناير، حيث كان عضوا بحركة "كفاية".

أهم أخبار مصر

Comments

عاجل