المحتوى الرئيسى

طلعت السادات يصف طنطاوى بأنه «أحمس اللى نضف البلد من الفاسدين»

03/02 23:15

طلعت السادات، عضو مجلس الشعب السابق، طالب بمحاكمة حبيب العادلى، وزير الداخلية السابق، أمام محكمة عسكرية وليست جنائية، وقال: «العادلى كان بياخدنا على السخن وزى ما أخذ 85 مليون مواطن طول فترة توليه الوزارة لازم يخضع لمحاكمة عسكرية، اسألونى أنا اتحاكمت عسكرياً وعارف». وأضاف السادات خلال ندوة بإحدى الجمعيات الأهلية، الاربعاء ، تعليقاً على المظاهرات الفئوية الأخيرة بعد الثورة: مطالب المتضررين أو المحتجين عادلة، قائلاً: «الراجل اللى بيتظاهر عايز يدخل على مراته شايل ومحمل زى زمان، والست اللى بتتظاهر عايزة تكون رايقة ومرتاحة عشان تريح الراجل، يعنى من الآخر ناس طالبة تعيش». وشبه السادات المشير محمد حسين طنطاوى، وزير الدفاع، رئيس المجلس الأعلى للقوات المسلحة، بالملك أحمس، قائلاً: «الاتنين أصلهم من الجنوب، فأحمس حررنا من الهكسوس، والمشير بيكنس وينضف البلد من الفاسدين». وتابع السادات، موجهاً حديثه للحضور: «عمى السادات تعب فى حياته وعاش فترة طويلة هربان، أيام النضال واشتهر وقتها باسم (سامبو)، وكان يلبس الخيش مش زى اللى موجودين دلوقتى كله استيراد ومافيش حاجة محلى»، وقال: «هقولكم على معلومة وأجرى على الله وهى ان كان فيه فى الحكومة السابقة وزراء 0000». وتابع: «هيكل عايرنا بجدتنا السوداء، وعليا النعمة جدتى كانت طويلة وسمرة وطول بعرض بسمار وحلاوة يعنى ولا قمر 14». وطالب النوبيين بانتقاء نواب محترمين للتشريع والخدمات، وأضاف: «استنضفوا نواب مش زى الخلق اللى كنتوا بتجيبوهالنا المجلس».

أهم أخبار مصر

Comments

عاجل