القارئ تامر المصراوى يكتب: نتغلب من الزمالك ونموت قدام الأهلى

طبعا اتغلبنا براحتنا وبمزاجنا واحنا مبسوطين عشان اتغلبنا من الزمالك حبيبنا اللى كاسر عينا.انما طبعا ماتش الاهلى نعمل سبع رجالة ونلم اللعيبة ونصرف المستحقات ونوعد بمكافات ماعرفشى بتتطلع منين والاسماعيلية كلها تقف على رجل والاعلام البندقى يولع الدنيا حريقة وتبقى مباراة حياة او موت ولا ترضوا باى هزيمة من الاهلى وتستدعوا حكام اجانب مانتوا اغنية بقى ونشتكى من الظلم التحكيمى حتى لو اجانب مش هو دة اللى بيحصل كل مرة ونسينا الجمهور يشتم ويهاجم لعيبة الاهلى وجمهورهم وكانة جاى من اسرائيل نفسى كدة تاخدوا مباراة الاهلى كاى مباراة عادية صدقونى ممكن تتغلبوا واحد بس وتعدى العملية.