نكات الثورة .. الشيطان يهتف يسقط مبارك !

كتب – محمد جمال عرفة: (أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!) .. (بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا !) .. (السلام الجديد بين الزعماء العرب هو "الثورة عليكم ورحمة الله وبركاته" !) .. (الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي.". ( زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك)، (مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك! ) هذه عينة من مئات النكات التي تبادلها المصريون قبل وبعد خلع الرئيس مبارك في ثورتهم الشعبية، بخلاف آلاف الرسائل والإفيهات واللافتات الطريفة عن خلع حسني مبارك علي فيس بوك وتويتر ولافتات التحرير ، بعدما اعتادوا علي السخرية وإطلاق النكات في كافة المناسبات السعيدة وحتي الحزينة . أحدث هذه النكات التي نشرها شباب ثورة 25 يناير علي مدوناتهم وعلي فيس بوك والمجموعات البريدية المختلفة التي تبين وداع المصريين لمبارك بالنكات والتعليقات الطريفة تقول : (واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس؟ ) - (بلطجي سألته قناة الجزيرة إنتوا ليه بترموا مولوتوف علي الشباب ، فرد قائلا :" العيال دول بيرموا علينا قنابل "بلوتوث") – (شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى أجل غير مسمى، معللين هذا بأن النظام سقط وعاوز وقت عشان يلحق يذاكر!) – (عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح !) . وهناك نكات أخري تقول : (مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش !) .. (مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي !) – ( إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة) . ومن نكات شبكة الإنترنت أيضا : (سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة ) – (واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني : حنلعب مع تونس عالنهائي ) . أحدث أفلام الموسم وعلي موقع فيسبوك، تم إطلاق صفحة خاصة حول "خفة دم الشعب المصري في المظاهرات"، ورد فيها: (من أفلام الثورة): مبارك في الزنزانة - يا أنا يا حسني - الواد سليمان بتاع الرئيس - مبارك شيكا بيكا - إنها حقا أجندة محترمة - خالتي أجنده - شورت وأجندة وكاب - بلطجية في كي جي تو - مطب رئاسي - اللي بالي ماشي - اللعب مع الإخوان - نحيني شكرا - يادنيا ياحرامي - حب في الدبابة - مع دخول المسرحية الكوميدية "امشي يا حسني لا مش ماشي" موسمها الثلاثين بنجاح ساحق. وكتب آخرون تعليقا يقول : (حسني مبارك "آسف على الازعاج" انت عملت أكبر "مطب صناعي" في تاريخ مصر والله إنت "وش إجرام" وطول عمرك "دبور" ودلوقتي معاك "زهايمر" باختصار إنت " محترم إلا ربع" كل الشعب بقى ينادي "جعلتني مجرمًا" وعملت الحلو "عسل إسود" ومن السجون "العيال هربت" سرقت من عيونا " الفرح" إنت فاكر مصر "كباريه" وعامل فيها "الزعيم" وكنا نقول يا عم عديها "حين ميسـره... " "ليه.. يا دنيا" "هي فوضى" باختصار حسني مبارك . "طير إنت") . وكان مصريون رفعوا بدورهم لافتات طريفة خلال الثورة وعقب تنحي مبارك في ميدان التحرير أشهرها لافتة تقول (إرجع ياريس كنا بنهزر معاك .. الكاميرا الخفية!!) و( مبارك .. طير أنت ) و(رابطة نجاري مصر يسألون الأسطى مبارك: "ما نوع الغراء الذي تستخدمه؟) و(ارحل.. الولية عاوزة تولد والولد مش عايز يشوفك) و(ارحل عاوز أتجوز) و(ارحل مراتي وحشتني.. متزوج من 20 يوم) و( ده لو كان عفريت كان طلع) و(لو ما استحمتش النهاردة في بيتنا.. هاستحمى يوم الجمعة في قصر الرياسة) . وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:أنا مندس.. أنا مندس، هاتلي أجندة ووجبة وبس .. من هارديز أو من كنتاكي، هاتلي وجبة دينر بوكس أو سوبر زنجر من غير خس .. هاتلي أجندة من الفجالة أعمل بيها ثورة في مصر . أنا مندس.. أنا مندس، وكل الشعب كمان مندس ..كل الناس هنا مش عايزينك، وإنت يا حسني مش بتحس .. كل فضايحك، كل جرايمك، كلو موجود على ويكيليكس .. أنا مندس.. انا مندس، عندي أجندة مستر إكس " !. نكات المصريين مقدمة لإنفلات مدمر وسبق هذه الثورة تحذير د. أحمد عكاشــة أستاذ الطب النفسي ورئيس الاتحاد العالمي للأطباء النفسيين، من موجة عنف قادمة قد تظهر في مصر بسبب ما قال إنه انتشار ثقافة الكذب والنفاق والعيش في ظل قانون الطوارئ وانتشار الفقر والبطالة وفقدان الإحساس بالعدل، معتبرا أن النكت المتهكمة علي نظام الحكم هي بداية لانفلات مدمر . وقال عكاشة – في لقاء مع أعضاء نادي "ليونز السلام" - إن "البطالة، والفقر، والإدمان، والإحباط، والأمية، والانسلاخ من العروبة، وفقدان الإحساس بالعدالة، وشعور المواطن بأن غرض الدولة من الأمن سياسي وليس لحمايته..."، كل ذلك يجعلنا علي حافة الهاوية، خاصة بعد تنامي العديد من الأفكار المستحدثة مثل أفكار الدين الاستقطابي الذي يكفر الآخر، محذرا من موجة عنف شديدة قادمة إن لم تتغير أوضاع المجتمع الذي أصبح تربة خصبة لنمو العنف، وقد أبدى " المسيري" دهشته من إلغاء ندوة مخصصة للحديث عن النكات وتحليلها، مستغربا: "لا أتصور نظاما يخشى إلى هذه الدرجة من النكتة ! وخلال الندوة علي الرصيف أطلق المسيري عددا من النكات لم تخل من إسقاطات سياسية ارتفعت معها ضحكات الحضور ومنها؛ " واحد أمريكي وواحد روسي وواحد مصري .. قال الروسي نحن حفرنا تحت الكرملين ووجدنا خطوط التليفون وهذا دليل على إننا اخترعنا التليفون ..فرد الأمريكي قائلا : ونحن حفرنا تحت البيت الأبيض ووجدنا خطوط التليفون فنحن إذا أول من اخترع التليفون .. فضحك المصري وقال : "نحن حفرنا تحت الأهرام ولم نجد شيئا .. وده معناه أننا اخترعنا المحمول اللاسلكي" !؟ . اذا اعجبك محتوى المقال يمكنك مشاركته عبر         التعليقات (73)  1 2 3 >  1ههههههههههه ولكن لاداعي للإنتقام الشخصي أصوات: +13 أرسلت بواسطة عمرو عماد كاتب صحفي , 12 - 02 - 2011 ههههههههههه النكت جميلة جدا تدل أن المصري في عز الأزمة دمه خفيف ولكن لاداعي للإنتقام الشخصي فقد رحل مبارك حقناً للدماء كما دعوتموه وهي شجاعه منه فكفى ذلك ونفتح صفحة جديدة الشعب اسقط مبارك, تقييم التعليق ضعيف [إظهار] 2فلننظر أمامنا أصوات: +9 أرسلت بواسطة مصري و بس , 12 - 02 - 2011 انتهت مرحلةبكل ما لها أو عليها فلننظر الي الامام لمستقبلنا بعد ان انجزنا اهم خطوة مع مراعاة عدم نسيان محاسبة كل مسؤلو عدم غلق ملف حقوق العباد فإنها معلقة برقابهم 3نعم صفحه جديده أصوات: +11 أرسلت بواسطة ADEL SHAHIN , 12 - 02 - 2011 نرجو الاهتمام ببكره وليس التفكير فى شئ مضى نرجو من الله ان يكون بكره احسن وان يكون حياه سياسيه جاده وليست منازعات او تصفيه حسبات والمكان المناسب للشخص المناسب 4خفة دم مصري أصوات: -1 أرسلت بواسطة محمود عبدالفتاح , 12 - 02 - 2011 نكت خطيرةاول مرة اضحك كده مني يوم 25 يناير 5... أصوات: +16 أرسلت بواسطة بنت مصر , 12 - 02 - 2011 ارجو أن تكون خفة الدم فى إطار محترم وليس التهكم على رمز من رموز التاريخ المصر ى العفو عند المقدرة من شيم الكرام كفاية سخرية الايام القادمة محتاجة عمل وحب للوطن وتغيير شامل لكل السلوكيات (إن اللة لا يغير ما بقوم حتى يغير ما بانفسهم ) 6عيب أصوات: +12 أرسلت بواسطة غاده , 12 - 02 - 2011 عيب كده حسني مبارك كان رمزلمصر ومحارب من جيش مصر غير كده راجل كبير سنا ومقاما ما يصحش نهينه دي قله ادب عيب ويكفيه انه فضل يواجهه بشجاعه الي اخر لحظه وبعدين احنا شعب كريم عيب 7المنصورة أصوات: +4 أرسلت بواسطة مسلم , 12 - 02 - 2011 اتقوا الله كل منكم يوجد بداخل قلبه ما يحدثة دائما انه قد جانب الصواب اعيدوا نظرتكم لكل ما تفعلونة انا كنت منكم وكرهت الجماعة من تصرفاتكم انتم لا تعلمون لغة الحوار ولا تحترمون من يختلف معكم انت لا تختلفون كثيرا عن مبارك بل انتم اشد لانه كان جاهلا بأمور دينه اما انتم فعالمون راجعوا انفسكم وصححوا مساركم فترضوا ربك وتكسبوا كل المصريين الى صاحب التعليق رقم 2, تقييم التعليق ضعيف [إظهار] 8... أصوات: +4 أرسلت بواسطة ramy emam , 12 - 02 - 2011 اللهم انصر مصر وعز اهلها بالحق اللهم لا شماته ارحموا عزيز قوم زل ونحن المصريون اهل كرم اللهم اشفى كل مريض مسلم 9صاحب "ههههههههه ولكن لاداعى للانتقام الشخصى" أصوات: +3 أرسلت بواسطة كوكو الضعيف , 12 - 02 - 2011 عفوا ياسيدى من قال لك انه رجل حقنا للدماء؟؟؟؟ هو هرب من القصر الجمهورى بالعروبة بعد ان احتشد عشرات الالاف امامه وخلفه وعلم انه هالك لامحالة لان الجرس الجمهورى لايمكنه قتل عشرات الالاف لان الملايين المحتشدة فى ميدان التحرير كانت ستتحرك وعليه ستقوم حرب خاطفة بين الجيش وسلاح الحرس الجمهورى الذى لايتبع الجيش وفى النهاية سيقتل الكثيرون ثم يقتل مبارك واسرته. ارجو ان تحسنوا من طريقة التفكير والا سنقع مرة اخرى تحت يد حاكم ظالم. ترى كيف مات الثلاثمائة شهيد واصيب اكثر من خمسة الاف ان كان يريد حقن الدماء؟ 10السعودية - الرياض أصوات: +3 أرسلت بواسطة نشات الزينى , 12 - 02 - 2011 هذه النكت اساءة لنا كشعب صاحب حضارة قبل ان تكون اساءة للرئيس وما يشفع للرئيس كونه احد رجال نصر اكتوبر العظيم . الان يجب ان نشكر الله على ما وصلنا اليه ونعمل على بناء الوطن فمصر غالية وشعبها شعب محترم فرجاء يا شباب الثورة حافظوا على ما منحكم الله لكم بالعمل والصدق وارساء العدل 11قلة ادب أصوات: -2 أرسلت بواسطة انا مصري , 12 - 02 - 2011 لو انتا رئيس ترضي ان حد يقول عليك كدا عيب كدا يا جماعة عمو حسني جاتلو غيبوبة من الضحك 12اثبتوا للعالم اننا نملك عقل أصوات: +1 أرسلت بواسطة محمدالسيد عبد المهيمن عامر , 12 - 02 - 2011 الان نحن فى بداية طريق وليس فى نهايته.. ارجوا ان تصدروا بيانا (الى العمل) ودعوه للعمل بجد وبنشاط واستغلال للطاقات. اما بالنسبه لمبارك فهو حقا اخذ ما يستحقه لكن يوما ما حارب من اجل تلك البلد فسنكون اكرم منه ونعطيه ما يزيد عن حقه 13... أصوات: +9 أرسلت بواسطة احمد - مصرى اعيش بالسعودية , 12 - 02 - 2011 الى كل من يطلب العفو عن الماسوف عليه مبارك فقط اعلم ان دموع امهات وزوجات وابناء الشهداء مازلت تجرى وكل دقيقة تمر عليهم تذكرهم الفضائيات والمواقع الالكترونية بالطريقه الوحشية التى استشهدوا عليها . لابد من محاكمة هذا القاتل وزبانيتة واسترداد اموال الشعب ..., تقييم التعليق ضعيف [إظهار] 14مصر الجديدة أصوات: +5 أرسلت بواسطة magdy elgamel , 12 - 02 - 2011 اصبحنا مصر جديدة بروح جديدة لا تعرف الغل ولا الانتقام ولا ننظر للخلف كلا منا لدية مسئولية مافيش حاجة اسمها وانا مالى كلا يعمل فى موقعة البلد بلدنا عايزة منا كتير دعونا من الكلام اللى حاجيبن ورا ويضيع شكلنا احنا بقينا مصر الجديدة مصر الحضارة مصر الدميقراطية عظيمة يامصر . مجدى الجمل 15... أصوات: -2 أرسلت بواسطة rasha , 12 - 02 - 2011 ياريت اللى زعلان علية يروح معاة مع الف...... 16... أصوات: +6 أرسلت بواسطة رفعت كامل , 12 - 02 - 2011 عايز اقول لكل واحد شايف مبارك انة رمز لنصر اكتوبر ويستحق 70 مليار على هذا النصر يبقى كل عسكرى عبر فى اكتوبر واجة الموت فى سبيل الوطن وكل شهيد استشهد من اجل نصرة هذا الوطن يستحق 140 مليار ولا اية !! 17مهــــا كـــان أصوات: -4 أرسلت بواسطة ابن25ينــاير , 12 - 02 - 2011 دا بردوا الريس. واحنا اللي سبناة يسرق ------------------- بدل ما يجي اللي اوسخ منة وتشوفوا ايام سوداء 18انا على فكرة مش اخوان أصوات: +2 أرسلت بواسطة mmm , 12 - 02 - 2011 يا جماعة بطلو تستخدمة فزاعة الاخوان علشان هى دية الرجعت البلد للخلف سنين ..الاخوان قطاع كبيرمن المصرين عضو اساسى فى المجتمع من غيرة هنفضل فى دوامة اسمها الاقصاء والتميز والتهميش والتشوية ونعيدوا تانى ..مصر محتاجة العمل الحب التسامح العفو مرعاة ضمائرنا مش تقسيم للمجتمع وعمل فتنة وطنية مفهومة خبيثة اتقوا اللة فى مصرنامصرنا 19عفوا الحرامي ليس رمزا أصوات: +5 أرسلت بواسطة حسني ابو دومة , 12 - 02 - 2011 من اراد ان يتخذ مجرما رمزا فهو مثله . من قال اننا نجب ان نرفع من ازلنا فوق رؤسنا بدلا من مسالته عن لمذا ازلتنا . من قال انه يجب ان نجعل الشيطان قدوتنا بدلا من سحقه من قال انه يجب ان نهتف باسم الظالم المستبد الناهب لثرواتنا الخائن لوطننا صاحب مولات التعذيب ومولد ابو حصيرة وبيع غاز مصر لعدوتها الا اذا كان غبي او ماجور اولص مثله فليذهب الي الجحيم هو ومن يريد ان يجعل منه رمزا 20كفاية هبل .....كفاية أصوات: -2 أرسلت بواسطة ابو عمر , 12 - 02 - 2011 كفاية تخوين لبعضينا وتشوية الحجات الجميلة اللى بتتولد وتوعد وترهيب الناس من فصيل او اخر ((الطبور الخامس اللى عاوز يهدم الثورة يا ريت يلم نفسة شوية)) ...على فكرة الناس فهمت كل حاجة وقولهم اللى نزلوا الميدان وشافوا الحقيقةلكل المصرين الشرفاء الىى اطحنوا من كل الفصائل ...الناس فهمت..فهمت..فهمت.. اللعبة الخايبة كفااااية هبل 21jeddah أصوات: +0 أرسلت بواسطة الشرس , 12 - 02 - 2011 يا جماعه ما حد ينكر ان الاخ حسنى رمز من رموز حرب اكتوبر بس للاسف تم محو كل هذا بسكوته على النهب والسرقه الا بتحصل يعنى ال70 مليار منين هيجوا كان بيشتغل ايه عشان يكونهم دا بمعدل كل سنه من حكمه حوالى اتنين مليار دولار واكتر وشايف الناس جعانه ومرضانه من المياه الملوثه والعيشه الوحشه حسبى الله ونعم الوكيل فيه وف كل ظالم 22... أصوات: -1 أرسلت بواسطة محمد بحيرى , 12 - 02 - 2011 ايه الحلاوة دى 2370 مليار ولا حاجه أصوات: -4 أرسلت بواسطة الغلبان , 12 - 02 - 2011 نفترض ان عند الباشا 70 مليار ليه شايفنها كتيره يا جماعه دا خدم 30 سنه يعنى بالمقارنه مع عز نعرف انه مش شرفاء مصر والله بجد ويا جماعه دي مكافاة نهاية الخدمه وبدل الاجازات كان بياخدها نقدا بلاش ظلم حسبي الله ونعم الوكيل 24دعوا الناس تعبر عن نفسها أصوات: +2 أرسلت بواسطة محمد الجعفري , 12 - 02 - 2011 الاخوه الافاضل الذين يريدون التحدث عن مبارك بأدب اقول لهم متي تعامل مبارك الفرد مع اكثر من 80مليون بادب مبارك احط من حكم مصر علي كل المستويات الثقافي والاخلاقي والدبلوماسي واسألوا وزراء الخارجية وخاصة العظيم عصمت عبد المجيد الذي كان يشعر باشمئزاز من تصرفات هذا الكائن حسني مبارك الذي تفنن طوال ثلاثون عاما في قهر المصريين هو الذي كان يفصل اي وزير او مسئول حبه الشعب هو الذي اطلق يد الفساد بمعاونة كبار المجرمين في كل المناحي هو الذي قلص الجيش وهمش دوره وهو الذي اطلق يد السفاء من عصابة الامن واغدق عليهم بالاموال وتركهم يعيثون في الارض فسادا هو الذي جعل قوات الامن ثلاثة اضعاف الجيش ليحكم سيطرته علي البلاد لكن ما أغني عنه ذلك شيئ وماكان الا ذله وانكسارا وخرج خروج مهين في جنح الليل هو ونفر من عصابته هو الذي اطلق يد ابنه الاكبر في سلب اموال اصحاب المشروعات هوالذي جاء لمصر بطبال ليشاركه في الحكم ويجعله صورة لنهب مقدرات البلاد والعباد لا تاخذكم به رافة ولا شفقة انه اكبر الفراعين واكثرهم دموية وسيعلم الجمع ان ما خفي من تاريخ مبارك في الحكم يشيب له الاجنه في بطون امهاتها يا أهل المروءه اظهروا مالديكم وماتعلمون عن هذا الفاجر الذي اعاد مصر الي العصور الوسطي فقر وجهل ومرض وبلطجه وضاعت في عهده الاسود صورة مصر البهية ولكن قيض الله لمصر شبابا اعادوا لوجهها الصبوح بريقه ونضارته والي الامام دوما في رخاء وامن مصر التي امنت بدون امن حبيب العادلي مصر التي روعوها لمصلحة نظام فاسد كافر مستبد الا لعنة الله علي حسني واهله ومن عمل تحت امرته ولم يكشف حقيقته 25ربنا يستر أصوات: +3 أرسلت بواسطة 6666 , 12 - 02 - 2011 ربنا يستر على مصر نبني مصر احسن بدل ما نتكلم على المبارك . الاسلام بيعلمنا اننا منحبش سيرة حد وربنا موجود هو اللي بينقم من عباده الرجاء من الناس ان يتقوا ربهم وشكرا 26البحرين أصوات: -2 أرسلت بواسطة كوكو , 12 - 02 - 2011 نعم للتغير ولكن الفقير هيبق غنى بنحلم لان شباب 52 يناير مش فقرة انتة فكرين هو اتنح دع الجيش هو لاعمل كده ايام مبارك كنتو معاه وعش الريس عشلنا عاش شعب منافق 27القنطره غرب أصوات: +1 أرسلت بواسطة محمدخلف , 12 - 02 - 2011 اخيرا انتهى الدرس يا غبى مبارك لعمر سليمان  1 2 3 >  يمكنك إضافة تعليقك هنا jc_loadUserInfo();