المحتوى الرئيسى

 محمد دياب: "الثورة" ملكا لكل مصري يحمل "رقم قومي"

02/12 13:02

بعد 18 يوما عاش فيها المخرج والسيناريست الشاب محمد دياب، مع ملايين الشباب المصري أحداث "الثورة"، كان يحرص خلالها على تسجيل خواطره أولا بأول، يحتفل اليوم بنصرة الشعب المصري. كتب محمد دياب على صفحته الخاصة على موقع التواصل الاجتماعي "فيس بوك" Facebook: "أنا حر ... لأول مرة حر ... مش خايف من حد ولا من حاجة ... رغم إني مفلس وشكلها مش باينلها شغل قريب إلا إاني مش خايف من المستقبل ولا على لقمه العيش ولا على أي حاجة ... عندي سكينة وإيمان محستوش في حياتي، سكينة اتكلمت عليها كتير، بس أول مرة أعيشها ... الحمد لله إني مصري والحمد لله إني من الجيل ده والحمد لله إني عشت عشان أشوف اليوم ده". وأكمل: "عارفين مين أول واحد كلمته بعد ما مبارك مشي؟ عمرو مصطفى ... مكلمتوش عشان أشمت، كلمته أطمنه، واطمنت على بنته وقولتله إن شاء الله اللي جاي أحسن ... وبقولها لكل واحد خوني أو انتقدني أو اختلف معايا في الرأي: أنا معنديش ذرة زعل ناحيتك، لأ وبحبك وكمان إن الثوره دي مش بتاعه حد، دي بتاعة أي حد معاه بطاقة رقم قومي. ويالله بقي إيدينا في إيد بعض نخلي مصر أحسن بلد في الدنيا". وخص دياب المطرب والملحن عمرو مصطفى بالذكر لأنه كان من ضمن من هاجموا اعتصامات التحرير في أيامها الأولى. يذكر أن دياب كان قد أعلن في وقت سابق انه هو الذي أقنع المطرب تامر حسني بالنزول لميدان التحرير، بعدما أقر أن موقفه لم يكن سليما، بسبب معلومات إعلامية مغلوطة. وبعد الاستقبال السيئ من ثوار التحرير لتامر، طالبهم دياب ألا نحكم على الآخرين، فالله وحده يعلم النوايا.شاهد محمد دياب في ميدان التحريرأثناء الاعتصامات

أهم أخبار مصر

Comments

عاجل