بالفيديو.. شعبان عبد الرحيم يغنى "25 ميدان التحرير"

أطلق الفنان شعبان عبد الرحيم أغنية جديدة تحمل اسم "25 ميدان التحرير" انتقد فيها الأحداث الدامية التى شهدتها مصر منذ اندلاع "يوم الغضب 25 يناير"، وهى الأغنية التى تعاون فيها مع الشاعر الغنائى إسلام خليل، وتتضمن تحليلاً مفصلاً للمشكلات التى تعرض لها الشارع المصرى منذ اندلاع "يوم الغضب" وظهور أطماع العديد من الدول فى مصر، وترويج بعض الأنظمة والفضائيات العربية لأخبار مغلوطة عما يجرى فى الوطن. كما تتضمن الأغنية مناشدة من شعبان عبد الرحيم وإسلام خليل، للشباب المصرى للاستماع إلى شيخ الأزهر الذى يوجه النصح من حين لآخر إليهم بالحفاظ على أمن واستقرار البلاد، وتقول الأغنية: 25 ميدان التحرير.. من اليوم هانعيش نفتكره كتير عايزين بقى نفتكره بخير.. ونعيش ونفرح بالتغيير يابرادعى ياللى مولعها.. كبر دماغك وسعها كفاية العراق واللى عملتوه.. دى مصر مش هاتوقعها شبابنا دا عاقل وكبير.. ياللى فى ميدان التحرير العالم متربص بينا.. وشعبنا بقى وضعه خطير عملتوا ثورة جميلة بجد.. بشكل حضارى معملوش حد بس فى ناس بتقيد فى النار.. وعايزه اللى عملتوه يتهد مشاكلكم هاتتحل قوام.. مفيش تانى مسئول هاينام ارحموا مصر.. دا ربنا نفسه.. خلق الدنيا فى 6 أيام وقفتكم فى ميدان التحرير.. خلت ناس تشمت وكتير وناس ليها مصالح خاصة.. نطقت بعد ما كانوا صراصير ثورتكم أهداف قوية.. عايزين عدالة وحرية لما دخل بينكم الأحزاب.. قلبت بفوضى وهمجية أهالينا كلها مخنوقة.. فرحتنا صبحت مسروقة متسمعوش من حد غريب.. دى ناس دخيلة ومزقوقة دى خطه قعدوا رسموها.. علشان بلدنا يهدوها شوفوا الجزيرة بتعمل ايه.. بتساعد اللى بيدوها قاعدين بيكبروا فى الحكايات.. وكل يوم فتنه واشاعات متدهومش الفرصة كفاية.. دا الميدان مليان كاميرات ثورتكم كانت ضوء أخضر.. أشرف من العملاء وأطهر بلاش تمشوا ورا الكداب.. اسمعوا لشيخ الأزهر